खुला ठाउँमा शौच गर्दा सर्पको डसाइबाट वडा अध्यक्षको मृत्यु

मोरङ : पोखरीको डिलमा शौच गर्दा मोरङको धनपालथान गाउँपालिका २ का वडा अध्यक्ष बलिराम भगतको सर्पको डसाइबाट ज्यान गएको छ । खुल्ला दिसामुक्त अभियानबारे गाउँमा छलफल चलाएर घर नजिकैको पोखरीको डिलमा शौच गर्न विषालु सर्पले डसेको प्रहरीले जनाएको छ । प्रहरीका अनुसार शौच गरेर पोखरीको पानीले धुने क्रममा उहाँको देब्रे हातको औंलामा डसेको थियो ।

उपचारका क्रममा उहाँको विराटनगरस्थित गोल्डेन अस्पतालमा मृत्यु भएको हो ।

शुरुमा उहाँले गाउँमै झारफुक गर्न लगाउनुभएको थियो । त्यसपछि रिंगटा लाग्न थालेपछि कोशी अञ्चल अस्पताल लगिएको र त्यहाँ अचेत भएपछि निजी अस्पतालमा लगिएको इलाका प्रहरी कार्यालय रंगेलीका प्रहरी निरीक्षक कबिन्द्र कार्कीले जानकारी दिनुभयो ।

तत्कालीन एमालेबाट वडा अध्यक्षमा निर्वाचित बलिराम भगतको विहीबार अन्त्येष्टि गरिएको धनपालथानका प्रमुख प्रशासकीय अधिकृत बाबुराम शर्मा लुइँटेलले जानकारी दिनुभयो ।

Recommended For You

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.