इंग्ल्यान्ड सेमिफाइनलमा प्रवेश

समारा (एजेन्सी) – विश्वकप २०१८ को तेस्रो क्वाटरफाइनल खेलमा इंग्ल्यान्डले स्विडेनलाई २-० ले हराएको छ । यस जितसंगै इंग्ल्यान्डले सेमिफाइनलमा आफ्नो स्थान सुनिश्चित पनि गरेको छ ।

इंग्ल्यान्डका लागि ३० औं मिनेटमा ह्यारी म्याग्वाएरले एस्ली योङको कर्नरमा हेडिङ गर्दै टोलीलाई अग्रता दिलाएका थिए । पहिलो हाफको अन्त्यमा रहिम स्टेर्लिङले इंग्ल्यान्डको अग्रता दोब्बर पार्ने मौका गुमाएका पनि थिए ।

दोस्रो हाफमा भने इंग्ल्यान्डले फेरी गोल गर्दै जित सुनिश्चित गरेको हो । जेसे लिन्गार्डको क्रसमा डेले अलिले हेडिङ गर्दै स्कोर २-० पारे र स्विडेनलाई निराश बनाए । समूह ‘जी’ को उपविजेताका रुपमा अन्तिम १६ प्रवेश गरेको इंग्ल्यान्डले प्रि-क्वाटरफाइनलमा कोलम्बियालाई पेनाल्टीमा हराउन सफल भएको थियो ।

अब इंग्ल्यान्डले क्रोएसिया र रसियाको विजेतासंग सेमिफाइनल खेल्ने छ । अर्को सेमिफाइनलमा फ्रान्स र बेल्जियम भिड्ने पक्का भइसकेको छ ।

Recommended For You

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.