मोन्ट्रियालको जितमा सन्दीपको ३ विकेट

असार २७/काठमाडौं (हाम्रो खेलकुद) – क्यानाडामा जारी ग्लोबल टि-२० अन्तर्गत नेपाली युवा स्पिनर सन्दीप लामिछानेले मोन्ट्रियाल टाइगर्सको जितमा ३ विकेट लिएका छन् ।

टस जितेर पहिले बलिङ रोजेको मोन्ट्रियालले वेष्ट इन्डिज ‘बि’लाई २० ओभरमा १ सय ६२ रनमा रोक्न सफल भयो । टोलीका लागि सन्दीपले सर्वाधिक ३ विकेट लिए । उनले टप-अर्डरकै तीनवटा ब्याट्सम्यानका विकेट लिएका थिए । ४ ओभर बलिङ गर्दै ३१ खर्चिएका थिए । उनले १३ डट बल पनि फालेका थिए ।

जवाफमा १ सय ६३ रनको लक्ष्य मोन्ट्रियालले १८ औं ओभरमै पुरा गर्न सफल रह्यो । मोन्ट्रियालका लागि सुनिल नारनले ओपनिङ गर्दै विष्फोटक ६१ रन बनाएका थिए । ६ टोली सम्मिलित प्रतियोगितामा मोन्ट्रियालको यो दोस्रो जित हो ।

आफूले खेलेका ५ खेलमा सन्दीपले ८ विकेट लिएका छन् । पहिलो ३ खेलमा १-१ विकेट लिएका सन्दीपले अघिल्लो खेलमा २ विकेट लिएका थिए । १ खेल कम खेलेका सन्दीप प्रतियोगिताको सर्वाधिक विकेट लिने सुचीमा छैठौं स्थानमा छन् ।

Recommended For You

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.