रोनाल्डोद्वारा हिगुअाइनको बचाउ

एजेन्सी – पोर्चुगिज फरवार्ड क्रिस्टियानो रोनाल्डोले सिरि ए अन्तर्गत अाइतबार युभेन्टस र एसी मिलानबिचको खेलमा रातो कार्ड पाएका मिलानका स्ट्राइकर गोन्जालो हिगुअाइनको बचाउ गरेका छन् ।

युभेन्टसका लागि रोनाल्डोसँगै अर्का फरवार्ड मारियो मान्जुकिचले १-१ गोल गर्दा युभेन्टस २-० ले विजयी रहेको थियो । तर विपक्षी फरवार्ड हिगुअाइनको लागि भने खेल सुखद रहेन । पूर्व क्लब युभेन्टसविरुद्ध उनले पेनाल्टीमा गोल गर्न नसक्दा बराबरी गर्ने मौका चुकाए । खेलको अन्तिम समयमा उनले दोहोरो पहेंलो कार्ड खाँदै मैदान छाड्नुपर्यो । उनले रेफ्रीसँग वादविवाद गर्दै मुखामुख गरेपछि रातो कार्ड पाएका थिए ।

रोनाल्डोले भने हिगुअाइनले अावेशमा त्यस्तो व्यवहार देखाएको र कडा कारवाहि नहोस् भन्ने अाशा रहेको बताएका छन् । ‘ मैले उनलाई संयमित हुन भनेको थिएँ । उनले अझै ठूलो कारवाही भोग्ने सम्भावना भएकाले मैले त्यसो भनेको हो,’ रोनाल्डोले थपे, ‘ उनी खेलमा पराजित भएकाले चिढीएका थिए । कहिलेकाही त्यसो हुन्छ र हामीले बुझेका छौं । अाशा छ उनलाई कडा कारवाही हुने छैन ।’

च्याम्पियन्स लिगमा म्यानचेस्टर युनाइटेडविरुद्ध पराजित भएपछि युभेन्टस राम्रो पुनरागमन गरेको छ ‌। रोनाल्डोले सात खेलमा छैटौं गोल गर्दै लयमा फर्केको संकेत दिएका छन् ‌। युभेन्टसले लिगको १२ खेलमा ३४ अंक जोड्दै उपाधि होडमा फराकिलो अग्रता कायम गरिसकेको छ ।

Recommended For You

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: कपी गर्न अनुमती लिनुहोला !!