भेनेजुएलासँग अर्जेन्टिना पराजित

एजेन्सी – नियमित कप्तान लिओनेल मेसी विश्वकपपछि टोलीमा फर्किएको पहिलो खेलमा अर्जेन्टिना भेनेजुएलासँग ३-१ ले पराजित भएको छ ।

रुसमा सम्पन्न फिफा विश्वकपका दौरान राउन्ड अफ १६ मै फ्रान्ससँग पराजित भएपछि अर्जेन्टिनाको चुनौती समाप्त भएको थियो । मेसीले त्यसयता भएका ६ अन्तर्राष्ट्रिय खेलमा टोलीमा सामेल भएनन् । ३१ वर्षीय मेसीले शुक्रबार भेनेजुएलाविरुद्ध मैत्रीपूर्ण खेलमा पहिलो रोजाइमा खेल्दै टोलीलाई जित दिलाउन भने सकेनन् ।

भेनेजुएलाका लागी खेलको छैटौं मिनेटमा नै सालोमोन रोन्डोनले सुरुवाती गोल गरेका थिए । पहिलो हाफको अन्त्यतिर जोन मुरिलोले अग्रता दोब्बर पारे । ५९ औं मिनेटमा अर्जेन्टिनाका लौटारो मार्टिनेजले एक गोल फर्काएपनि जोसेफ मार्टिनेजले पेनाल्टीमा गोल गर्दै भेनेजुएलालाई २ गोलले अगाडी पारे ।

प्रशिक्षक लिओनेल स्कालोनीले सर्जियो अगुएरो, गोन्जालो हिगुआइन, माउरो इकार्डीलगायत फरवार्डहरुलाई टोलीमा समावेश गरेका थिएनन् । स्कालोनीले पाउलो डीबालालाई पनि बेन्चमा नै सिमित राखेका थिए । कप्तान मेसी पनि चोटका कारण मोरोक्कोविरुद्ध अर्को खेल खेल्न नसक्ने अवस्थामा पुगेका छन् । उनको ग्रोइनमा हल्का समस्या देखिएकाले विश्राम गर्ने निर्णय लिएका हुन् ।

Recommended For You

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: कपी गर्न अनुमती लिनुहोला !!