जोसेफको कीर्तिमानी बलिङमा मुम्बईको रोमान्चक जित

एजेन्सी – वेस्ट इन्डिजका युवा बलर अल्जारी जोसेफले इन्डियन प्रिमियर लिग (आईपीएल) को इतिहासमै कीर्तिमानी बलिङ गरेपछि मुम्बई इन्डीयन्सले सनराइजर्स हैदराबादलाई ४० रनले पराजित गरेको छ । आईपीएलमा डेब्यु गरिरहेका जोसेफले ६ विकेट लिए ।

मुम्बईले प्रस्तुत गरेको १ सय ३७ रनको विजयी लक्ष्य पछ्याएको सनराइजर्स हैदरावाद जोशेफको अविश्वसिनय बलिङसँगै १७.४ ओभरमा अल आउट हुँदै ९६रनमा समेटियो । चौथो ओभरको चौथो बलमा युवा स्पिनर राहुल चाहारले जोनी बेयस्टोलाई १६ रनमा जसप्रित बुमराहबाट क्याच आउट गराउदै ओपनिङ साझेदारी तोडेका थिए ।

पाँचौ ओभरको पहिलो बलमै अल्जारी जोशेफले डेविड वार्नरलाई १५ रनमा बोल्ड आउट गरे । सातौं ओभरको पाँचौ बलमा जोशेफले विजय शंकरलाई ५ रनमा क्याच आउट गराए । मनिष पान्डे १६ र युसुफ पठान डक आउट भएपनि हैदरावादको जित कठिन बन्न पुगेको थियो ।

१६ औं ओभरको पाँचौ बलमा दिपक हुड्लाई जोशेफले २० रनमा बोल्ड आउट गरे । लगतै आफै अर्को बलमा राशिद खानको क्याच लिँदै शून्यमा पेभेलियन फर्काए । १८ औं ओभरको पहिलो बलमा कप्तान भुवनेश्वर कुमारलाई बोल्ड आउट गर्दै जोसेफले डेब्यूमै ५ विकेट पुरा गरे । तीन बलपछि सिद्दार्थ कौललाई आउट गर्दै उनले कीर्तिमानी ६ विकेट लिए ।आईपीएलमा डेब्यूमै ६ विकेट लिने उनी पहिलो बलर हुन् ।

जोशेफले समग्रमा ३.४ ओभरमा १ मेडन सहित १२ रन खर्चेर ६ विकेट लिए । यो नै आईपीएल इतिहासमा सर्वोत्कृष्ट बलिङ प्रदर्शन हो ।

Recommended For You

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: कपी गर्न अनुमती लिनुहोला !!