योनका यि विषय दिमागमा रहिरहे दुर्घटना हुन सक्छ, सचेत हुनु राम्रो

पृथ्वीका हरेक जिवात्मामा सेक्सको चाहाना हुन्छ । मानिसमा सामान्यत १६ वर्ष माथि उमेरका व्यक्तिलाई सेक्स गर्न इच्छा हुन्छ, भनिन्छ । एक अध्ययनअनुसार सेक्सको लत लागेका ४० प्रतिशत महिलामा अनिच्छित गर्भाधारण हुने गरेको पाइन्छ । सेक्सको लत लागेका करिब ७० प्रतिशत महिला तथा पुरुषको वैवाहिक जीवन असफल भएको पनि अध्ययनले देखाएको छ । यसमध्ये करिब ४० प्रतिशतको सम्बन्ध–विच्छेद नै भएको पाइन्छ । यौनजन्य मानसिक विकारले लत लाग्ने भएकोले डिर्भोस भएकामध्ये करिब ७२ प्रतिशतले आत्महत्याको प्रयास गर्ने गरेको पनि अध्ययनले देखाएको छ । लत लागेकामध्ये ६८ प्रतिशतलाई यौनरोग लाग्ने गरेको पनि भेटिएको छ ।

कुनै पनि व्यक्तिको यौन स्वभाव र व्यवहारको दायरा कस्तो र कुन स्तरको हुनुपर्छ भनेर किटान गर्न कठिन हुन्छ । गोप्य ठाउँमा सेक्स पार्टनरको बीचमा एकआपसमा सहमत भएर गरिने सम्भोगका जुनसुकै गतिविधिलाई पनि सामान्य रूपमा मान्नुपर्ने हुन्छ । तर, दिमागमा जतिखेर पनि सेक्सकै मात्र कुरा आउने, कम तथा बढी उमेर भएकासँग सेक्स गर्न मन पराउने, भर्जिन तथा नयाँ पार्टनर मात्रै खोज्ने भन्दै भौँतारिने गर्नु भनेको यौन समस्या हो ।
यौनले मानिसको दैनिकी, सामाजिक अवस्था, पेशागत तथा सम्बन्धमा असर गरिरहेको छैन भने त्यो सामान्य अवस्था मान्नु पर्दछ । तर कसैमा सेक्सुअल एडिक्सन भएको हुन सक्छ । जसले जतिखेर वा समय सन्दर्भ बेगरनै सेक्सुअल गतिविधि तथा इच्छा सोचिरहन्छ । यस्तो अवस्थामा मानिसको दिमागमा सेक्सकै मात्र धारणा आइरहने हुन्छ ।
मानसिकतामा यस्तो धारणा मात्र आईरहे त्यसले व्यवहार तथा दैनिकीमा असर गर्ने भएकोले लत लाग्नबाट बच्नुपर्छ भने यस्तो लत लागेको छ भने ठुलो दुर्घटना हुने तथा बलत्कार, हत्य आदी हुने भएकोले सचेत हुन विज्ञहरुको सुझाव छ ।