अपहरण गरी रकम असुल्न खोज्ने प्रेमीप्रेमीका पक्राउ

काठमाडौं: छोरा अपहरण गरी मारिदिने धम्की दिदैं रकम असुल्न खोज्ने एक प्रेम जोडीलाई अपराध महाशाखाकाे टोलीले पक्राउ गरेको छ।

महाशाखाले कैलाली, टिकापुर नगरपालिका वडा नम्बर ९ घर भई हाल बालकुमारी ललितपुर बस्ने २४ वर्षिय लोकेन्द्र शाही र साेही स्थानकी २० वर्षिय प्रेमिका रूबी ठाकुरलाई अपहरण गरी ज्यान मार्ने अभियोगमा बिहिबार गौशालाबाट पक्राउ गरेको हो।

उनीहरूले सिन्धुपाल्चोक जिल्ला, सुनकोशी गाउँपालिका वडा नम्बर ६ स्थायी घर भइ हाल काठमाडौं महानगरपालिका वडा नम्बर १० बुद्धनगर बस्ने ४२ वर्षिय सिताराम कार्कीलाई एसएमएस मार्फत धम्की दिने गरेका अपराध महाशाखा प्रमुख सहकुल बहादुर थापाले बताए ।

उनीहरूलाई धम्काउन प्रयोग गरेको मोबाइल सेट र सिम सहित पक्राउ गरेको अपराध महाशाखा प्रमुख थापाले बताए । थापाका अनुसार पीडित कार्की र पीडक ठाकुरबीच पहिलेदेखि नै चिनाजानी रहेको र घटना घट्ने अवस्थासम्म कसरी पुग्‍यो भन्ने बारेमा अनुसन्धान भइरहेको उनको भनाइ छ।

Recommended For You

About the Author: Bibas chetan

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: कपी गर्न अनुमति लिनुहोला !!